Bakit napakataas ng mga numerong ito?

Nagdudulot ng mga pagbabago sa immune system, mga baga at puso ang pagbubuntis na ginagawang mas malamang na magkaroon ang mga buntis ng malubhang sakit mula sa trangkaso. Maaaring humantong sa malubhang sakit, tulad ng pulmonya, at maging sanhi ng mga problema sa pagbubuntis tulad ng kulang sa buwang panganganak ang pagkakaroon ng trangkaso habang buntis

Ang bakuna sa trangkaso ang pinakamahusay na paraan upang maprotektahan laban sa trangkaso. Nakakatulong ang mga pag-iingat tulad ng madalas na paghugas ng mga kamay, pagtakip ng bibig at ilong kapag umuubo o bumabahing, at pag-iwas sa malapit na pakikipag-ugnayan sa mga taong may sakit, ngunit ang bakuna sa trangkaso lang ang napatunayang nakakabawas ng panganib na magkaroon ng trangkaso nang hanggang 40%.

Nagpoprotekta rin sa mga sanggol pagkatapos nilang ipanganak ang pagkuha ng bakuna sa trangkaso sa panahon ng pagbubuntis. Nagdudulot sa paggawa ng mga antibody sa katawan ang bakuna laban sa virus ng trangkaso. Ipinapasa ang mga antibody na ito sa fetus sa pamamagitan ng inunan. Ang mga sanggol ng mga nabakunahang ina ay ipinapanganak na protektado mula sa trangkaso, na pinapanatili silang ligtas mula sa matinding karamdaman hanggang sa mabakunahan sila sa edad na 6 na buwan.

May mahabang rekord ng pagiging ligtas ang bakuna sa trangkaso sa panahon ng pagbubuntis. Milyon-milyong buntis sa nakalipas na mga dekada ang nabakunahan nang walang pangunahing komplikasyon. Walang naipakitang pagtaas sa panganib ng mga depekto sa kapanganakan ang mga pag-aaral sa libo-libong tao na nakakuha ng bakuna sa trangkaso bago o sa panahon ng pagbubuntis. Hindi natagpuang sanhi ng pagkalaglag o maagang panganganak ang bakuna sa trangkaso.

Kailan ang pinakamainam na panahon upang mabakunahan?

Puwedeng makakuha ng bakuna laban sa trangkaso ang mga buntis sa kanilang ikatlong trimester sa Hulyo o Agosto para sa pinakamahusay na pagkakataong maprotektahan ang kanilang mga sanggol pagkatapos ng kapanganakan sa panahon ng trangkaso. Karaniwang magandang panahon ang Setyembre at Oktubre para sa lahat ng iba pang buntis na mabakunahan. Kailangang ibigay taon-taon ang mga bakuna sa trangkaso. Mabilis na nagbabago ang virus ng trangkaso, kaya ina-update ang bakuna bawat taon upang tumugma sa mga pinakakaraniwang strain ng trangkaso sa sirkulasyon.

Bagama't may spray sa ilong na bakuna, hindi ito inirerekomenda para sa mga buntis dahil naglalaman ito ng buhay at pinahinang virus ng trangkaso.

Paano kung nagkaroon ka ng trangkaso at buntis ka?

Kung ikaw ay buntis o nagkaroon ng sanggol sa loob ng nakaraang 2 linggo, magpatingin kaagad sa iyong provider ng pangangalagang pangkalusugan upang makakuha ng antiviral na gamot, nakakuha ka man ng bakuna sa trangkaso o hindi. Kung nalantad ka sa taong may trangkaso, maaaring payuhan ka rin ng iyong provider ng pangangalagang pangkalusugan na uminom ng antiviral na gamot.

Nakakatulong ang antiviral na gamot na bawasan ang kalubhaan ng mga sintomas ng trangkaso at paikliin ang kurso ng sakit. Pinakamabisa ito kung ibibigay sa loob ng 48 oras ng pagsisimula ng mga sintomas, ngunit maaari itong ibigay anumang oras pagkatapos lumitaw ng mga sintomas.